Ռուս խաղաղապահները ավտոճանապարհով Ստեփանակերտ են հասցրել 241,1 տոննա մարդասիրական օգնություն, Ստեփանակերտ-Գորիս ու հակառակ ուղղությամբ բուժառուներով շտապօգնության երեք մեքենա է ուղեկցվել։ Այս մասին տեղեկանում ենք ՌԴ պաշտպանության նախարարության ամենօրյա տեղեկագրից։

«Մարտակերտի դպրոցական ու նախադպրոցական հաստատություններում իրականացվել է սննդի փաթեթներ բաժանելու մարդասիրական ակցիա «Մենք Միավորված ենք» հիմնադրամի հետ համատեղ։

Ռուսական խաղաղապահ կոնտինգենտի ինժեներասակրավորական խմբերը շարունակում են օբյեկտների և տեղանքի ականազերծումը։ Օրվա ընթացքում մաքրվել է 0.2 հա տարածք։ Հայտնաբերվել է երկու պայթուցիկ առարկա»,- նշվում է հաղորդագրության մեջ։