Ակցիայի վայրում ձերբակալված անձի մոտ եղել է դանակ․ Ոստիկանություն
ՀՀ Ոստիկանույթունը հայտնում է, որ մայիսի 19-ին՝ ժամը 14։45-ին, Արշակունյաց պողոտայում իրականացվող ակցիայի վայրում մի անձ, որը, ըստ նախնական տեղեկությունների, որևէ առնչություն չի ունեցել ակցիայի հետ, դրսևորել է ոչ իրավաչափ վարքագիծ, հնչեցնել հայհոյանքներ։
Պարեկային ծառայության Երևանի գնդի ծառայողները նշված անձին ձերբակալել և տեղափոխել են ոստիկանության Շենգավիթի բաժին։
22-ամյա երիտասարդի մոտ հայտնաբերվել է 20 մմ երկարությամբ ծալովի դանակ։ Նշանակվել է փորձաքննություն։ Նախաձեռնվել է քրեական վարույթ։
Ավելի վաղ հայտնել էինք, որ Երևանի Շենգավիթ վարչական շրջանի առաջին ատյանի դատարանի առջև լարված իրավիճակ է․ բախումներ են զոհված զինծառայողների ծնողների և ոստիկանների միջև։ Իրավապահները բերման ենթարկել ակցիայի մասնակիցներից մեկին:
