ՏԵՍԱՆՅՈՒԹ. Կոլումբիայի ջունգլիներում 16 օր անցկացրած երեխաներին ողջ են գտել

Կոլումբիայի զինված ուժերը Կակետա դեպարտամենտի ջունգլիներում ողջ են գտել չորս երեխայի, որոնք թռչում էին վթարված Cessna 206-ով և 16 օր անցկացրել անտառում, ասել է նախագահ Գուստավո Պետրոն։

«Մենք ողջ ենք գտել Գուավիարում ավիավթարի հետևանքով անհետ կորած չորս երեխաներին։ Ուրախություն երկրի համար»,- գրել է Պետրոն Twitter-ում։

Մայիսի 1-ին Cessna 206 ինքնաթիռը վթարային ազդանշան է տվել: Այն հայտնաբերվել է 370 ժամ որոնումներից հետո։ Օդանավում հայտնաբերվել է օդաչուի մարմինը, սակայն վեց ուղևորներ, որոնցից չորսը երեխաներ են, ոչ մի տեղ չեն գտնվել։

El Tiempo-ի տվյալներով՝ ավելի ուշ հայտնաբերված երկու դիակները պատկանում են երկրորդ օդաչուին և չորս երեխաների մորը՝ ուղևորին։

Երեխաների տարիքը 13, 9, 4 տարեկան 11 ամսական է։ Տեղական մամուլը հայտնում է, որ նրանք այժմ ապահով են։