ԱՄՆ-ն դեմ չէ, որ Ուկրաինային F-16 կործանիչներ մատակարարվեն

ԱՄՆ պաշտպանության նախարարությունը դեմ չէ այլ երկրների կողմից Ուկրաինային F-16 կործանիչների հնարավոր տրամադրմանը, գրում է Politico թերթը՝ հղում անելով Պենտագոնի աղբյուրին։

«Չեմ կարծում, որ մենք դեմ ենք դրան», - պատասխանել է զրուցակիցը այն հարցին, թե արդյոք գերատեսչությունը դեմ է, որ այլ երկրներ F-16-ներ տեղափոխեն Կիև։

Միաժամանակ, ըստ աղբյուրի, դեռևս որոշում չի կայացվել այլ պետությունների կողմից կործանիչները տեղափոխելու հնարավորության մասին։

Ինչպես պարզաբանում է հրատարակությունը, Պենտագոնի բարձրաստիճան պաշտոնյաները բազմիցս կասկածի տակ են դրել Ուկրաինայի՝ հակամարտության ներկա փուլում այս տեսակի սպառազինության անհրաժեշտությունը և նշել, որ հակաօդային պաշտպանության համակարգերը, հրետանին, ինչպես նաև մեքենայացված և զրահապատ ցամաքային տեխնիկան առաջին տեղում են։

Ուկրաինայում, ինչպես գրում է թերթը, վկայակոչելով Ուկրաինայի պաշտպանության նախարարի խորհրդական Յուրի Սակին, հույս ունեն ստանալ մինչև 50 F-16 կործանիչ Արևմուտքից, իսկ Վլադիմիր Զելենսկին ցանկանում է, որ մարտական ​​ինքնաթիռների թեման ուշադրության կենտրոնում լինի G7-ի գագաթնաժողովին Ճապոնիայում և ՆԱՏՕ-ի գագաթնաժողովում Լիտվայում։