ՏԵՍԱՆՅՈՒԹ․ Թուրքիայում միջադեպերի պակաս չկա․ փայտերով և քարերով կռիվ է տեղի ունեցել
Ինչպես հայտնի է՝ Թուրքիայում այսօր, ժամը ժամը 08։00-ից, մեկնարկել են նախագահական և խորհրդարանական ընտրությունները։
Սոցցանցերում արդեն տեղ են գտել մի շարք տեսանյութեր, որտեղ երևում է թե ինչպես են իշխող «Արդարություն և զարգացում» կուսակցության (ԱԶԿ-AKP) առաջնորդ և «Ժողովուրդ» դաշինքի նախագահի թեկնածու Ռեջեփ Թայիփ Էրդողանի ու քեմալական, գլխավոր ընդդիմադիր ուժ համարվող
«Ժողովրդահանրապետական» կուսակցության (ԺՀԿ-CHP) առաջնորդ և «Ազգ» դաշինքի նախագահի միասնական թեկնածու Քեմալ Քըլըչդարօղլուի կողմնակիցները վեճի բռնվում, որից հետո էլ սկսվում է ծեծկռտուք։
Haber Global-ի փոխանցմամբ՝ փայտերով և քարերով կռիվ է տեղի ունեցել Շանլըուրֆայում տարբեր թեկնածուների քվեարկած երկու աշիրեթների միջև։
Խոշոր ծեծկռտուք է տեղի ունեցել, օրինակ, Ստամբուլ քաղաքի Բահչելիեվլեր շրջանի ընտրատեղամասերից մեկում, փոխանցում է Ermenihaber-ը:
Հավելենք՝ Թուրքիայի քաղաքացիները մեծ հետաքրքրություն են ցուցաբերում ընտրությունների նկատմամբ։ Ստամբուլի արևմուտքում գտնվող ընտրատեղամասերում հերթեր են գոյանում։ Նաև շատ տեղամասերում քվեատուփերն արդեն լցված են, բայց, ըստ ընտրական հանձնաժողովների անդամների, նորերը չկան, ուստի կփորձեն քվեաթերթիկները սեղմել եղածների մեջ։
