ՏԵՍԱՆՅՈՒԹ․ Շոյգուի փեսան կապի դուրս չի եկել Լուգանսկի պայթյուններից հետո, իսկ ռուս պատգամավորը վիրավորվել է

Երեկ Լուգանսկում երկու պայթյուն է որոտացել։ Ինչպես հայտնել է Ռուսաստանում Լուգանսկի ներկայացուցչության նախկին ղեկավար Ռոդիոն Միրոշնիկը, Լուգանսկի ուղղությամբ հարվածը հասել է «Պոլիպակ» ձեռնարկության շրջանին:

Վերջին տեղեկություններով՝ Լուգանսկում հրետակոծությունից հետո այրվում է «100» մեքենաշինական գործարանը:

Ըստ RosSMI-ի, այն մասնագիտացած է էլեկտրոնային սարքավորումների արտադրության մեջ:

Տեղեկություն կար նաև, որ ՌԴ ՊՆ Շոյգուի փեսան, ով  գտնվում էր Լուգանսկում, կապի դուրս չի եկել՝ նա տեսանյութ էր ձայնագրում հարվածի վայրից ոչ հեռու։

Ավելի ուշ նա կապի է դուրս եկել։ «Ես լավ եմ»,- ասել է բլոգեր Ալեքսեյ Ստոլյարովը Mash-ի հետ զրույցում ասել է, որ իր հետ ամեն ինչ կարգին է, պայթյունից չի տուժել։ Նա հայտնել է, որ այլեւս Լուգանսկում չէ։ 

Հավելենք, որ Պետդումայի պատգամավոր Վիկտոր Վոդոլացկին վիրավորվել է Լուգանսկում հարվածի հետևանքով։ Այս մասին հայտնում է ЛНР-ը:

Վոդոլացկու օգնականը RT-ի փոխանցմամբ, հայտնել է, որ վնասվածքը թեթև է, և պատգամավորի մոտ ամեն ինչ կարգին է։

Պետդումայի պատգամավոր Վիկտոր Վոդոլացկին խոսել է Լուգանսկի հեռուստատեսության եթերում։ Հաղորդվում է, որ նա թեթև վնասվածքներ է ստացել։ Նրանից բացի վիրավորվել է 6 երեխա, 2-ը հոսպիտալացվել են։