Ուկրաինային ավելի շատ ժամանակ է պետք այդքան սպասված հակահարձակումը սկսելու համար. Զելենսկի
Ուկրաինայի նախագահ Վլադիմիր Զելենսկին ասել է, որ իր երկրին ավելի շատ ժամանակ է պետք ռուսական ուժերի դեմ այդքան սպասված հակահարձակումը սկսելու համար, քանի որ ուկրաինական զինուժը սպասում է խոստացված ռազմական օգնության մատակարարմանը:
Սպասվող հակահարձակումը կարող է վճռորոշ լինել պատերազմում՝ վերագծելով ճակատները, որոնք ամիսներ շարունակ մնացել են անփոփոխ: Դա նաև վճռորոշ փորձություն կլինի Ուկրաինայի համար, որը ցանկանում է ապացուցել, որ Արևմուտքից ստացած զենքն ու տեխնիկան կարող են հանգեցնել մարտադաշտում զգալի ձեռքբերումների, գրում է BBC-ն:
Զելենսկին չի մանրամասնել, թե երբ և որտեղ տեղի կունենա ուկրաինական հակահարձակումը. դա գաղտնիք է։
Ներկայում ռուսական ուժերն ամրապնդել են իրենց պաշտպանությունը ճակատային գծի երկայնքով, որը ձգվում է 1450 կմ՝ Լուգանսկի և Դոնեցկի շրջաններից մինչև Զապորոժիե և Խերսոն:
