Սոթքի բնակիչներին տարհանելու անհրաժեշտություն չկա․ Գեղարքունիքի մարզպետ․ «Հետք»
Գեղարքունիքի մարզպետ Կարեն Սարգսյանն ասում է, որ Սոթքի բնակիչներին տարհանելու անհրաժեշտություն չկա, հայտնում է «Հետքը»։
Հիշեցնենք, որ այսօր՝ մայիսի 11-ի առավոտյան, ՊՆ-ն հաղորդեց, որ ադրբեջանական զինուժը հրետանային և ականանետային միջոցներից կրակ է բացել Սոթքի ուղղությամբ տեղակայված հայկական դիրքերի ուղղությամբ:
Խոսելով գյուղում տիրող իրավիճակից՝ մարզպետն ասաց․ «Որևէ վտանգավոր կամ տագնապային բան չկա այս պահի դրությամբ»։
Կարեն Սարգսյանը հայտնել է նաև, որ ինքը Վարդենիսում է և Պաշտպանության նախարարության տարածած հաղորդագրություններին հավելելու ոչինչ չունի։
