Կրակում են դիրքերի, ոչ թե գյուղի վրա. Սոթքի բնակիչ․ ԶԼՄ

Ադրբեջանական կողմը կրակում է դիրքերի ուղղությամբ, ոչ թե Սոթք գյուղի։ Sputnik Արմենիայի հետ զրույցում այս մասին ասաց գյուղացիներից մեկը։

«Առավոտյան կրակոցներ լսում էինք դիրքերի ուղղությամբ, բայց գյուղի վրա չեն կրակել»,– ասել է նա։
 

Լրատվամիջոցի զրուցակցի խոսքով` գյուղում խուճապ չկա։

Ժամը 08:45-ի դրությամբ Սոթքի ուղղությամբ իրադրության փոփոխություն չկա. Ադրբեջանի ԶՈՒ ստորաբաժանումները շարունակում են կրակը հայկական դիրքերի ուղղությամբ:
 

ՀՀ զինված ուժերի ստորաբաժանումները ձեռնարկում են համապատասխան պաշտպանական-կանխարգելիչ միջոցառումներ: