Հատուկ գործողության գոտի ռուսական գվարդիայի ստորաբաժանում է ուղարկվել․ Քադիրով

Ռուսաստանի Դաշնության Չեչնիայի ղեկավար Ռամզան Քադիրովը հայտնել է, որ Չեչնիայից հատուկ գործողության գոտի է մեկնել ռուսական գվարդիայի մարտունակ և արդյունավետ ստորաբաժանումներից մեկը Այս մասին գրում է РИА Новости-ն։

«Ռուսաստանի Դաշնության 96-րդ օպերատիվ գունդը՝ Ազգային գվարդիայի ամենամարտունակ և արդյունավետ ստորաբաժանումներից մեկը, Չեչնիայի Հանրապետությունից շարժվել է դեպի հատուկ ռազմական գործողության գոտի»,- թելեգրամյան իր ալիքով գրել է Քադիրովը։

Չեչնիայի ղեկավարը զինծառայողների բարձր մարտունակությունը բացատրել է «մարտական հարուստ փորձով և հատուկ ռազմական գործողության շրջանակներում ամենաբարդ դիրքային մարտերին ու հատուկ միջոցառումներին մասնակցելու, ինչպես նաև հանրապետության տարածքում միջազգային ահաբեկչության դեմ պայքարում»։ 

«Չեչեն հայտնի հրամանատար Մագոմեդ Տուշաևի ․․․ գլխավորությամբ գնդի զինծառայողները փայլուն կատարում են մարտական առաջադրանքներ, հաջողությամբ ջարդում են ուկրաինական կազմավորումները և, ընդհանուր առմամբ, մեծ հաջողությունների են հասնում ռազմաճակատի պատասխանատու հատվածում»,- գրել է նա։