Բախմուտում իրավիճակը զարգանում է վատագույն սցենարով․ Պրիգոժին

«Վագներ» մասնավոր ռազմական խմբի ղեկավար Եվգենի Պրիգոժինն ասել է, որ Բախմուտում՝ մասնավորապես հեռավոր թեւերում, «իրավիճակը  զարգանում է վատագույն սցենարով»։

Ավելի վաղ Պրիգոժինը հայտնել էր, որ Բախմուտի շրջակայքի դիրքերից մեկում ուկրաինական զորքերի հակահարձակման արդյունքում ռուսական զորքերը նահանջել են և մոտ երկու կիլոմետր տարածք զիջել Ուկրաինայի զինված ուժերին։ 

«Վագների» ղեկավարի խոսքով՝ թևերի վերահսկողությունը փոխանցվել է կանոնավոր ռուսական բանակին, որը չի կարողացել պահել գիծը։ Ավելի ուշ այս հաղորդագրությունները հաստատել է Ուկրաինայի զինված ուժերի հրամանատարությունը։ Պրիգոժինի խոսքով՝ բուն Բախմուտում, որտեղ գործում են ռազմական խմբավորման ստորաբաժանումները, ռուսական ուժերը շարունակում են առաջխաղացումը դեպի քաղաքի արևմտյան ծայրամասեր, որին «մնացել է 625 մետր»։