92 300 000 եվրո արժողությամբ վարկ` ՀՀ կառավարությանը
Վերակառուցման ու զարգացման միջազգային բանկը ՀՀ կառավարությանը 92 300 000 եվրո արժողությամբ վարկ կտրամադրի։
Վարկի նպատակը բյուջետային աջակցությունն է։
ՀՀ կառավարությունն այսօր հավանություն է տվել վարկային համաձայնագրի վավերացման ներպետական գործընթաց սկսելու` ֆինանսների նախարարության առաջարկին։
Որոշման հիմնավորման համաձայն` բյուջետային աջակցության միջոցներն ուղղվելու են կլիմայի փոփոխության մեղմացման և հարմարվողականության խթանմանը, շրջակա միջավայրի կառավարման համար կարգավորող շրջանակի բարելավմանն ուղղված միջոցառումներին ու բարեփոխումների իրականացմանը։
