Երթուղային ավտոբուսները շաբաթական 2 անգամ Գորիսից կմեկնեն Որոտան, Բարձրավան և Շուռնուխ

Երթուղային ավտոբուսները մայիսի 11-ից շաբաթական 2 անգամ Գորիսից անվճար հիմունքներով կմեկնեն սահմանամերձ Որոտան, Բարձրավան և Շուռնուխ։ Տեղեկությունը հայտնում է Գորիսի համայնքապետարանը։

Նշվում է, որ ավտոբուսները կմեկնեն Գորիսի Գրիգոր Տաթևացու անվան հրապարակից երկուշաբթի և հինգշաբթի օրերին, ժամը 07։30-ին և 15։00-ին:

Կապահովվի նաև մեկնողների վերադարձը։

Հիշեցնենք` Sputnik Արմենիան նշված համայնքների տրանսպորտային խնդիրներին անդրադարձել էր այս տարվա հունվարին։