Արևմուտքում մենք վախենում ենք Ուկրաինայի հաղթանակից․ ԱՄՆ ռազմաօդային ուժերի գեներալ

Ռուսաստանի հետ հակամարտությունում Ուկրաինայի զինված ուժերի ռազմական հաջողությունը արևմտյան երկրների հիմնական վախն է, ասել է ԱՄՆ ռազմաօդային ուժերի պաշտոնաթող գեներալ և Եվրոպայում ՆԱՏՕ-ի դաշնակից ուժերի նախկին գերագույն հրամանատար Ֆիլիպ Բրիդլավը։ 
Այս մասին նա ասել է ABC Action News-ին տված հարցազրույցում։ 

«Արևմուտքում մենք վախենում ենք Ուկրաինայի հաղթանակից», - խոստովանել է Բրիդլավը: 

Նա մանրամասնել է, որ արևմտյան երկրները վախենում են կոնֆլիկտի տարածումից դեպի մայրցամաք, ինչպես նաև միջուկային էսկալացիայից։ 

Ավելի վաղ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հորդորել էր Ուկրաինայի զինված ուժերի ծրագրված հարձակումը չդիտարկել որպես միակ մարտը, որը կորոշի ռազմական գործողությունների ողջ ընթացքը։ 

Մեծ Բրիտանիայի արտաքին գործերի նախարար Ջեյմս Քլևերլին նշել է, որ ուկրաինական բանակի ակնկալվող հակահարձակումը չի կարող դառնալ հակամարտության վճռորոշ փուլ։

Քաղաքականություն

Պատահարներ