Ամբողջ Պակիստանում համացանցի ծառայությունները բողոքի ցույցերից հետո անորոշ ժամանակով դադարեցվել են
Ամբողջ Պակիստանում համացանցի ծառայությունները բողոքի ցույցերից հետո անորոշ ժամանակով դադարեցվել են: Բջջային լայնաշերտ ծառայությունների արգելափակման որոշումն ընդունվել է Ներքին գործերի նախարարության հրամանով:
Ավելի վաղ հայտնել էինք, որ Պակիստանի նախկին վարչապետ Իմրան Խանի ձերբակալությունից հետո նրա կողմնակիցները ներխուժել են Պակիստանի բանակի հրամանատարներից մեկի տուն և ջարդուփշուր են արել ամեն ինչ: Խանի ձերբակալությունից հետո բախումներ են սկսվել նախկին վարչապետի կողմնակիցների և պետական պաշտոնյաների միջև:
Հավելենք, որ Պակիստանի նախկին վարչապետին մեղադրում են պետական գանձարանից 52 արժեքավոր իրեր վաճառելու և վարչապետ եղած ժամանակ ստացած նվերների մասին տեղեկությունները թաքցնելու համար։
