Ուկրաինայում հրթիռակոծության հետևանքով զոհվել է AFP-ի լրագրողը
Ուկրաինայի արևելքում հրթիռակոծության հետևանքով զոհվել է օտարերկրյա լրագրող Արման Սոլդենը։ Ինչպես գրում է Le Monde-ը՝ Ուկրաինայում Ֆրանս-Պրես գործակալության (Agence France-Presse) տեսանյութերի համակարգող Արման Սոլդենը զոհվել է երեքշաբթի Չասով Յարի մոտ տեղի ունեցած հրթիռակոծության հետևանքով, հայտնել են AFP-ի լրագրողները, ովքեր ականատես են եղել դեպքին:
Հրետակոծությունը տեղի է ունեցել Բախմուտի մերձակա քաղաքի ծայրամասում, որը մի քանի ամիս շարունակ արևելյան Ուկրաինայի մարտերի էպիկենտրոնն է:
AFP-ի թիմը գնդակոծվել է «Գրադ»-ի հրթիռներով, երբ նրանք մի խումբ ուկրաինացի զինվորների հետ են եղել: 32-ամյա Սոլդենը զոհվել է, երբ հրթիռը դիպել է վայրին, որտեղ նա պառկած է եղել: Թիմի մնացած անդամները չեն տուժել։
