Վրաստանն ու Գերմանիան ռազմական համագործակցության հուշագիր են ստորագրել
Վրաստանի պաշտպանության նախարարությունը փոխըմբռնման հուշագիր է ստորագրել Գերմանիայի ազգային կոդավորման բյուրոյի հետ․ այս մասին երկուշաբթի հայտնել է Վրաստանի պաշտպանության նախարարության մամուլի ծառայությունը։
Փաստաթուղթը Վրաստանի ՊՆ-ին և նրա նյութատեխնիկական ապահովման ստորաբաժանումներին թույլ կտա ավելի ներդաշնակ լինել ՆԱՏՕ-ի չափանիշներին։
Մինչ համաձայնագրի ստորագրումը գերմանացիները ծանոթացել են Վրաստանի ՊՆ-ում իրականացվող բարեփոխումներին։ Այցի հիմնական թեման ՆԱՏՕ-ի չափանիշներով Վրաստանի ազգային կոդավորման բյուրոյի ձևավորման գործընթացն է։
