Պեսկովը մեկնաբանել է Ուկրաինայի հետախուզության ղեկավարի՝ «ռուսներին սպանելու» հայտարարությունը

Ռուսաստանի Դաշնության նախագահի մամուլի քարտուղար Դմիտրի Պեսկովը  մեկնաբանել է Ուկրաինայի ՊՆ Հետախուզական վարչության (ԳՈՒՎ) ղեկավար Կիրիլ Բուդանովի «ռուսներին սպանելու» սպառնալիքները և փորձը։ Փոխանցում է gazeta.ru-ն։

Պեսկովն ընդգծել է, որ սա «հրեշավոր հայտարարություն է», որը «ուղիղ հաստատում է», որ Կիևի ռեժիմը «ոչ միայն հովանավոր է, այլ նաև ահաբեկչության կազմակերպիչ»։

«Մենք խստորեն դատապարտում ենք նման հայտարարությունները», - ասել է Պեսկովը։

Նա նաեւ նշել է, որ ռուսական հատուկ ծառայությունները «կձեռնարկեն այն, ինչ անհրաժեշտ է» Պրիլեպինի դեմ մահափորձը հետաքննելու համար։

Բացի այդ, Մոսկվան ուշադիր հետևելու է եվրոպական մայրաքաղաքների «և հատկապես Վաշինգտոնի» արձագանքին այս իրադարձությունների հետ կապված։ Դժվար է պատկերացնել, որ նման բան կարող է մնալ առանց դատապարտման, ասել է Կրեմլի խոսնակը։ Նրա խոսքով, Բուդանովի հայտարարությունը «ևս մեկ անգամ հաստատում է Պուտինի՝ հատուկ գործողություն սկսելու որոշման ճշտությունը»։