«Վագներ» մասնավոր ռազմական ընկերությունը Արտյոմովսկում (ուկրաինական անունը՝ Բախմուտ) ամբողջությամբ կատարել է իր առաջադրանքները, հայտարարել է ընկերության հիմնադիր Եվգենի Պրիգոժինը։ Վերջինիս խոսքերը մեջբերում է նրա մամուլի ծառայությունը։

Պրիգոժինը նշել է, որ Բախմուտի մսաղացի գործողության նպատակը հիմնականում ոչ թե քաղաքը գրավելն էր, այլ «Ուկրաինայի Զինված ուժերի ստորաբաժանումները մանրացնելը» և «ռուսական բանակի համար հանգստի կազմակերպումը մարտունակությունը վերականգնելու համար»։ Պրիգոժինը նաև ասել է, որ ռուսական ուժերը վերահսկում են Արտյոմովսկի 95%-ը, իսկ մնացած 5%-ը «ոչ մի դերակատարում չունեն»։

Այս շաբաթվա սկզբին Պրիգոժինը նախազգուշացրել էր, որ վագներականները մայիսի 10-ին կլքեն քաղաքը, «որովհետև առանց զինամթերքի նրանք դատապարտված են անիմաստ մահվան»: Չեչնիայի ղեեկավար Ռամզան Կադիրովը, ի պատասխան սրան, ասել է, որ չեչենական հատուկ ջոկատայինները պատրաստ են «վերադարձնել քաղաքը»։ Նրա խոսքով՝ պաշտպանության նախարարության հետ համատեղ Արտեմովսկում սկսվել է գործողությունների ռազմավարության մշակում՝ հաշվի առնելով Ուկրաինայի Զինված ուժերի մարտավարությունն ու նրանց ունեցած ռեսուրսները։