ԼՈՒՍԱՆԿԱՐ․ Չեխիայի նախագահը հազվագյուտ ատրճանակ է նվիրել Զելենսկուն
Չեխիայի նախագահ Պետր Պավելը ուկրաինացի գործընկեր Վլադիմիր Զելենսկուն CZ 75 ինքնալիցքավորվող ատրճանակ է նվիրել։Այս մասին Չեխիայի ղեկավարը հայտնել է իր Twitter-ում։
Պավելը նշել է, որ իր ուկրաինացի գործընկերոջը նվիրել է հազվագյուտ ատրճանակ հատուկ շարքից, որը նվիրված է Չեխիայի Հանրապետության բարձրագույն պարգևի՝ Սպիտակ առյուծի շքանշանի հարյուրամյակին։
Շքանշանը, սովորաբար, տրվում է «երկրին մատուցած ակնառու ծառայությունների, պետության պաշտպանության և անվտանգության մեջ ներդրման համար», ինչպես նաև ազգի միջազգային վարկանիշի բարձրացման համար»։
Չեխիայի ղեկավարն ընդգծել է, որ դա արտացոլում է այն խիզախությունը, որով Զելենսկին առաջնորդում է Ուկրաինային։
