Քիչ հավանական է, որ Ռուսաստանը միջուկային զենք կօգտագործի. ԱՄՆ

ԱՄՆ-ն քիչ հավանական է համարում, որ այս փուլում Ռուսաստանը միջուկային զենք կօգտագործի Ուկրաինայում հատուկ ռազմական գործողության ժամանակ։  Այս մասին հինգշաբթի հայտարարել է Ազգային հետախուզության տնօրեն Ավրիլ Հեյնսը։

«Հետախուզական հանրության տեսանկյունից դա չափազանց քիչ հավանական է: Դա մեր ներկայիս գնահատականն է», - ասել է Հեյնսը՝ մեկնաբանելով ԱՄՆ Սենատի Զինված ծառայությունների հանձնաժողովում լսումների ժամանակ Ռուսաստանի կողմից միջուկային մարտագլխիկներ օգտագործելու հնարավորության մասին հարցին։

Իր հերթին, ԱՄՆ Պաշտպանության նախարարության հետախուզական գործակալության տնօրեն, բանակի գեներալ-լեյտենանտ Սքոթ Բերիերը, ով նույնպես մասնակցում էր այս լսումներին, պնդում էր, որ ելնելով «հակամարտության բնույթից՝ միշտ կա նման հնարավորություն», այսինքն՝ միջուկային զենքի կիրառման հնարավորություն։  «Բայց ես կասեի, որ մենք կարծում ենք, որ դա քիչ հավանական է», - ասել է Բերիերը: