ՏԵՍԱՆՅՈՒԹ. Գառնիկ Դանիելյանը` Լարսում առաջացած խնդիրների, հեղուկ գազի դիֆիցիտի մասին
ԱԺ «Հայաստան» խմբակցության պատգամավոր Գառնիկ Դանիելյանն ԱԺ-ում անդրադարձել է ավտոմեքենա ներկրող ընկերությունների համար ստեղծվող արհեստական խոչընդոտներին, ՌԴ գյուղմթերք արտահանող հայկական բեռնատարների խնդիրներին, հեղուկ գազի թանկացման և դեֆիցիտի պատճառներին։
«Մեկ շաբաթ է, ինչ անցակետի չորս ռենտգեն սարքավորումներից երկուսը չի աշխատում, հարց է առաջանում, եթե խնդիրը տեխնիկական է, ինչու այդ նույն տեխնիկական խնդիրները չեն վերաբերվում վրացական բեռնատարներին: Իմ տեղեկություններով` այս պահին մոտ 2000 բեռնատար սպասում է իրենց հերթին:
Վերին Լարսի անցակետում առաջացած խնդիրներով է պայմանավորված նաև շուկայում հեղուկ գազի արհեստական դիֆիցիտը, ինչի արդյունքում էլ վերջին օրերին հեղուկ գազի արժեքը 110 դրամից հասել է 200-220 դրամի»:
Նա, դիմելով պատկան մարմիններին նշեց, որ պետք է միջոցներ ձեռնարկել, որպեսզի հայկական բեռնատարները անխոչընդոտ ներմուծեն հեղուկ գազ` վերահսկելով և կանխելով գազի դիֆիցիտը:
Մանրամասները` տեսանյութում:
