Հայաստանում հեղուկ գազի դեֆիցիտ է. ո՞րն է պատճառը. ԶԼՄ

Արդեն տևական ժամանակ է, ինչ Հայաստանում հեղուկ գազ գրեթե չկա: Aysor.am-ը  զրուցել է LPG Energy գազալցակայանի տնօրեն Ժիրայր Յափանեչյանի հետ, որը նշել է` ստեղծված իրավիճակի մեղավորը ներկրողները չեն, խնդիրը սահմանային անցակետերում է:

«Հայաստանից գնացող բոլոր մեքենաների համար խնդիրներ են առաջանում: Ոչ թե հայկական մեքենաների, այլ ՀՀ-ից գնացող, ինչպես նաև Հայաստան եկողների: Մենք առաջ Վրաստանն անցնում էինք 1-2 օրում, բացառությամբ այն դեպքերի, երբ ձյուն էր գալիս, հալոցքներ էին լինում: Այդպես է եղել արդեն 30 տարի: Այդ նույն ժամանակահատվածում էլ, կամ ավելի շուտ նույնիսկ, հետ էին գալիս մեր մեքենաները: Իսկ հիմա մեքենաները Հայաստանից դուրս են գալիս և Ռուսաստան են մտնում մոտավորապես 12-15 օրվա ընթացքում: Հենց դրա համար էլ առաջանում է ցանկացած տեսակի ապրանքի ճգնաժամ», - ասել է Յափանեչյանը։

Նրա խոսով՝ եթե Հայստանի բոլոր լցակայանների պահեստային տարածքները լցված լինեն՝ գազը կբավականացնի ընդամենը 7 օր:

«Ըստ երևույթին՝ անցակետերն են սկսել ավելի դանդաղ աշխատել: Եթե նախկինում դրանք օրական կարող է բաց թողնեին մոտ 250 մեքենա, հիմա 20-25 մեքենա են ստուգում ու բաց թողնում»:

Մանրամասները` սկզբնաղբյուր կայքում: