Ուկրաինան համաձայնագրեր է ստորագրել «Բայքար» ընկերության հետ

Ուկրաինայի ռազմավարական արդյունաբերության նախարար Ալեքսանդր Կամիշինը հայտարարել է, որ երեք նոր համաձայնագիր է ստորագրել թուրքական «Բայրաքթար» անօդաչու թռչող սարքերի (ԱԹՍ) արտադրող «Բայքար» ընկերության հետ։ Տեղեկատվությունը փոխանցում է ՌԻԱ Նովոստին։

«Մանրամասները, իհարկե, չեմ պատմի, բայց վստահեցնում եմ, որ այս պայմանագրերը մեր երկրին նոր սերնդի զենք կտան»,- ասել է Կամիշինը։

Ըստ հաղորդագրության` համաձայնագրերի ստորագրումը տեղի է ունեցել ռազմարդյունաբերական համալիրի երկու ուկրաինական ձեռնարկությունների հետ: