Մեծ Բրիտանիան մտադիր է Ուկրաինայի համար նոր զենք գնել

Մեծ Բրիտանիան մտադիր է ձեռք բերել ու Ուկրաինային փոխանցել հեռահար հրթիռներ, գրում է Defense24-ը։

«Ուկրաինայի համար նրանք նախատեսում են գնել 100-ից 300 կմ հեռահարությամբ հրթիռներ, որոնք կարող են արձակվել ցամաքից, ջրից կամ օդից»,- ասվում է հրապարակման մեջ։

Հոդվածում թվարկված են դրանց ներկայացվող հիմնական պահանջները՝ գաղտնալսման ցածր հավանականություն, էլեկտրոնային պատերազմին դիմակայող նավիգացիոն համակարգ և այլն։

«Զենքի և սարքավորումների համար միջոցները կվերցվեն Ուկրաինային աջակցության միջազգային հիմնադրամից, որը ձևավորվել է Մեծ Բրիտանիայի, Իսլանդիայի, Նորվեգիայի, Շվեդիայի, Դանիայի և Լիտվայի ներդրումներից: Մասնակիցների հայտերը բաց են մինչև մայիսի 4-ը», – ասվում է հոդվածում:

Արևմտյան քաղաքական գործիչները անընդհատ խոսում են այն մասին, թե ինչպես պետք է Ուկրաինան հաղթի Ռուսաստանին մարտի դաշտում, և գնալով ավելի շատ զենք են մատակարարւմ Կիևի ռեժիմին: Կրեմլը պատասխանել է, որ ռազմական օգնությունը հիմնովին ոչինչ չի լուծի, այլ միայն կերկարացնի ուկրաինացի ժողովրդի տառապանքը։