Հայկական ավիաընկերությունը մեկնաբանել է ստեղծված դրությունը
«Flyone Armenia» ընկերությունն արդեն ապահովել է Քիշնևում վայրէջք կատարած Փարիզ-Երևան չվերթի ուղևորների վերադարձը Երևան։ Այս մասին ֆեյսբուքյան իր էջում հայտնել է «Flyone Armenia» ավիաընկերության տնօրենների խորհրդի նախագահ Արամ Անանյանը.«Ի պատասխան ԶԼՄ մեր գործընկերների բազմաթիվ հարցումների։
Հարգելի գործընկերներ,FlyONE Armenia ընկերությունն արդեն ապահովել է Քիշնևում վայրէջք կատարած Փարիզ-Երևան չվերթի ուղևորների վերադարձը Երևան։Ավիաընկերությունն անելու է հնարավոր ամեն ինչ, որպեսզի մեր ուղևորների ճամփորդական ծրագրերը փոփոխություններ չունենան։
Ավիաընկերությունը իրավիճակի փոփոխության վերաբերյալ հավելյալ կտեղեկացնի ուղևորներին ու հանրությանը»,- գրել է Արամ Անանյանը։
Հիշեցնենք՝ Թուրքիան առանց նախազգուշացնելու փակել էր իր օդային տարածքը հայկական «Flyone Armenia» ավիաընկերության՝ դեպի Եվրոպա թռիչքների համար:
