«Մենք պատրաստ ենք հարձակման». Ուկրաինայի ՊՆ ղեկավարը սպասում է որոշմանը
Ուկրաինայի պաշտպանության նախարարության ղեկավար Ալեքսեյ Ռեզնիկովն ուրբաթ հայտարարել է, որ Ուկրաինան պատրաստ է հակահարձակման, զորքերը սպասում են հրամանատարության որոշմանը։ Տեղեկությունը հայտնում է «ՌԻԱ Նովոստի»-ն:
«Հակահարձակման նախապատրաստությունը մոտենում է ավարտին, բացի զենք ստանալուց, մեր զինծառայողները պետք է կարողանան օգտագործել ռազմական տեխնիկան։ Մենք ստացել ենք բավականին ժամանակակից զենքեր՝ Leopard-2, Challenger և Abrams տանկեր, բայց կարծում եմ, որ Abrams-ներն այս հակահարձակմանը ժամանակին պատրաստ չեն լինի: Սարքավորումը մասամբ առաքվել են։ Ընդհանուր առմամբ մենք պատրաստ ենք հարձակման»,- ասել է Ռեզնիկովը ճեպազրույցում։
Նա հավելել է, որ ուկրաինական զորքերը սպասում են միայն հրամանատարության որոշմանը։
«Մենք պատրաստ ենք՝ հենց որ լինի Աստծո կամքը, եղանակը թույլ տա, և լինի հրամանատարության որոշումը»,- շեշտել է ՊՆ ղեկավարը։
