Էրդողանի մամուլի քարտուղարը մեկնաբանել է Լաչինի միջանցքում Ադրբեջանի կողմից անցակետի տեղադրումը

Թուրքիայի նախագահ Ռեջեփ Թայիփ Էրդողանի մամուլի քարտուղար Իբրահիմ Քալընը մեկնաբանել է Լաչինի միջանցքում Ադրբեջանի կողմից անցակետի տեղադրումը։

«Ղարաբաղը Ադրբեջան է»։ Մենք խոսում ենք «Ադրբեջանի տարածքային ամբողջականության» մասին, և այստեղ այլ իմաստներ բերելը չի նպաստի գործընթացի ներդրմանը»,- ասել է Քալընը։

Նա նշել է, որ պետք է լուրջ վերաբերվել Ստեփանակերտում և նրա շրջակայքում ապրող հայերին Ադրբեջանի կողմից տրված բազմաթիվ «երաշխիքներին»:

«Ադրբեջանն առաջարկել է նրանց կյանքի և ունեցվածքի «անվտանգության մոդելը», որը մենք համարում ենք խաղաղ գործընթացի հիմնական հենասյուներից մեկը», - ասել է Էրդողանի մամուլի քարտուղարը։

Քալընը նաև հավելել է, որ Ադրբեջանի և Հայաստանի միջև ստորագրվելիք խաղաղության համաձայնագիրը մեծ տնտեսական «օգուտներ» կբերի Երևանին և կազդի Թուրքիայի հետ հարաբերությունների վրա։

Հիշեցնենք, որ Ադրբեջանն ապրիլի 23-ին, խախատելով եռակողմ պայմանավորվածությունները, ապօրինաբար անցակետ է տեղադրել Լաչինի միջանքցում՝ ռուսական խաղաղապահ զորակազմի պատասխանատվության գոտում:

Հաղորդվել է, որ ռուսական խաղաղապահ զորակազմի հրամանատարությունը շարունակում է Հակարիի կամուրջը բացելու շուրջ բանակցությունները։ Ռուսներն առանձին քննարկումներ են անցկացնում և՛ ադրբեջանական, և՛ արցախյան կողմերի հետ, տեղեկացրել էր Արցախի խորհրդարանի իշխող խմբակցության ղեկավար Արթուր Հարությունյանը։