Բրիտանիան Սուդանից կտարհանի բրիտանացիներին

Օգտվելով 72 ժամով հայտարարված հրադադարի հնարավորությունից` մի շարք երկրներ Սուդանից ցանկանում են տարհանել իրենց քաղաքացիներին։
 

Լոնդոնը հայտարարել է, որ Բրիտանիայի քաղաքացիների տարհանումը կազմակերպվում է Սուդանի մայրաքաղաք Խարտումից դուրս գտնվող օդանավակայանից: Առաջնահերթությունը տրվում է երեխաներին, կանանց, ծերերին ու առողջական խնդիրներ ունեցող մարդկանց։
 

Բրիտանիայի պաշտպանության նախարարությունը կադրեր է հրապարակել, որտեղ Կիպրոսի ավիաբազայից ռազմական օդանավով զինվորականներ են մեկնում Սուդան Բրիտանիայի քաղաքացիների տարհանումը ապահովելու համար։
 

Սուդանում մոտավորապես 4 հազար Բրիտանիայի քաղաքացի կա։ Անցած շաբաթ օրը զինվորականների օգնությամբ դուրս էին բերվել դեսպանատան աշխատակիցներն ու նրանց ընտանիքների անդամները։ Կառավարությունը քննադատվել էր Սուդանում մնացած բիտանացիներին պատշաճ օգնություն չցուցաբերելու համար։