«Ղարաբաղի հայերը կամ պետք է ընդունեն Ադրբեջանի քաղաքացիություն, կամ գտնեն բնակության այլ վայր»․ Ալիև
Ադրբեջանի նախագահ Իլհամ Ալիևը հայտարարել է, որ Ղարաբաղի հայերը կամ պետք է ընդունեն Ադրբեջանի քաղաքացիություն, կամ գտնեն բնակության այլ վայր։
«Մենք բազմիցս հայտարարել ենք, որ ոչ մի երկրի հետ չենք քննարկելու մեր ներքին գործերը։ Ղարաբաղը մեր ներքին գործն է»,-ասել է Ադրբեջանի բռնապետը։ Նրա խոսքով՝ Ղարաբաղում բնակվող հայերը կամ պետք է ընդունեն Ադրբեջանի քաղաքացիություն, կամ իրենց համար այլ բնակավայր գտնեն: Նա նաև նշել է․
«Այստեղ լիակատար ազատություն կա, ժողովրդավարական բոլոր հիմքերն են առաջարկվում, այս հարցը պետք է լուծվի մարդու իրավունքների հիման վրա։
Հիշեցնենք՝ ադրբեջանցի «էկոակտիվիստները» արդեն 128 օր շարունակ փակ են պահում Արցախը Հայաստանին և աշխարհին կապող միակ ճանապարհը։
