Էրդողանի աշխատակազմը անդրադարձել է ադրբեջանական դրոշը վառելու միջադեպին
Երևանում ադրբեջանական դրոշի այրելու միջադեպին անդրադարձել է նաև Թուրքիայի նախագահ Ռեջեփ Թաիբ Էրդողանի աշխատակազմ։
«Ծանրամարտի Եվրոպայի առաջնության ժամանակ Երևանում ադրբեջանական դրոշի այրումը վանդալիզմի և հասարակական ոչ հարգալից վերաբերմունքի դրսևորում է»։ Այս մասին ասվում է Թուրքիայի նախագահի աշխատակազմի տարածած հայտարարության մեջ։
«Մենք դատապարտում ենք այս միջադեպը», - ասվում է գործակալության հայտարարության մեջ։
Հիշեցնենք՝ ՀՀ ԿԳՄՍ-ն հայտարարություն էր տարածել, որտեղ ասվում էր՝ բացման հանդիսավոր արարողության ժամանակ տեղի ունեցած միջադեպը, որը շատ արագ հարթվել է, որևէ առնչություն չունի մարզիկների անվտանգության և նրանց բնականոն մրցելույթների ապահովման հետ։ Անհրաժեշտ բոլոր պայմանները լիարժեքորեն ապահովված են եղել:
