ՏԵՍԱՆՅՈՒԹ․ Կրակոցներ՝ Տեղ գյուղում․ 3 շտապօգնության մեքենա է գնում մեր դիրքերի կողմը․ «Հրապարակ»
Տեղ գյուղում 15-20 րոպե ինտենսիվ փոխհրաձգություն էր, Ձեր զանգից ընդամենը մի քանի վայրկյան առաջ փոխհրաձգությունը դադարեց։ Այս մասին «Հրապարակի» հետ զրույցում տեղեկացրել է «Համահայկական Ազգային Պետականություն» կուսակցության նախագահ, պատերազմի մասնակից Արթուր Վարդանյանը։
Նա նշեց, որ տարբեր տրամաչափի զինատեսակներից ինտենսիվ փոխհրաձգություն է եղել։
«Երեք շտապօգնության մեքենա է գնում մեր դիրքերի կողմը, ամենայն հավանականությամբ վիրավոր ունեն»,-ասաց Վարդանյանը։
Կապ հաստատեցինք նաև Տեղ գյուղի բնակիչներից մեկի հետ, վերջինս խնդրեց չնշել իր անունը, սակայն հաստատեց, որ քսան րոպե շատ ուժեղ փոխհրաձգություն է եղել։
