ՏԵՍԱՆՅՈՒԹ․ Նիդեռլանդներում գնացքը դուրս է եկել ռելսերից. կա 30 տուժած, 1 զոհ
Նիդեռլանդներում մի քանի տասնյակ մարդ վիրավորվել է գնացքի՝ ռելսերից դուրս գալու հետևանքով, հայտնում է Reuters-ը՝ վկայակոչելով արտակարգ իրավիճակների ծառայություններին։
Նիդեռլանդներում երեքշաբթի առավոտյան ուղևորատար գնացքը, որը տեղափոխում էր առնվազն 50 մարդ, ռելսերից դուրս է եկել գծի վրա շինարարական տեխնիկայի հետ բախվելուց հետո, մի քանի տասնյակ մարդ վիրավորվել է, շատերը՝ ծանր, հայտնել են հոլանդական շտապօգնության ծառայությունները: Նշվում է նաև, որ կա մեկ զոհ։
Ինչպես նշվում է, տուժածներից մի քանիսը հոսպիտալացվել են, մյուսներին օգնություն է ցուցաբերվել տեղում։
Ավելի վաղ գործակալությունը հայտնել էր, որ Հարավային Հոլանդիայի նահանգի Վորշոտեն գյուղի մոտակայքում վթարի վայր են ժամանել փրկարարական խմբերը։ Բացի դրանից, գործակալությունը, վկայակոչելով Նիդեռլանդների երկաթուղիների (NS) հայտարարությունը, Twitter-ի իր միկրոբլոգում ավելացրել է, որ Լեյդեն քաղաքի և Հաագայի որոշ հատվածների միջև ուղևորափոխադրումները չեղարկվել են վթարի պատճառով։
