ՀԱՊԿ առաքելությունը ՀՀ կգա հայկական կողմի պատրաստակամության դեպքում. ՌԴ դեսպան
Հայկական կողմի պատրաստակամության դեպքում ՀԱՊԿ առաքելությանը պատրաստ է գալ Հայաստան։ Այս մասին այսօր լրագրողների հետ զրույցում հայտարարել է ՀՀ–ում ՌԴ դեսպան Սերգեյ Կոպիրկինը։ Ըստ նրա` այս մասին ասվել ու ասվում է ամենաբարձր մակարդակներով։
«Այս հարցերը հիմա քննարկվում են, աշխատանքներ են տարվում այդ հարցի շուրջ։ Արդյունքում մենք կհասկանանք, թե ինչ որոշում է կայացվել»,– նշեց նա։
Խոսելով հայ-ռուսական հարաբերությունների մասին` ՀՀ–ում ՌԴ դեսպանը նշել է, որ երկու երկրների մեջ կարող են լինել տարբեր կարծիքներ, բայց դա, նրա գնահատմամբ, նորմալ է, քանի որ այն, ինչ միավորում է ՌԴ–ին ու ՀՀ–ին, կմնա ու կլինի ամուր։
