Հորդանանը նախազգուշացրել է աղետալի հետևանքների մասին
Հորդանանը նախազգուշացրել է «աղետալի հետեւանքների» մասին, եթե իսրայելական ուժերը կրկին գրոհեն Ալ-Աքսա մզկիթը: Այս մասին հայտնում է CNN-ը։
Եթե իսրայելական ոստիկանությունը «կրկին հարձակվի հավատացյալների վրա», դա «իրավիճակը կմղի ավելի լարվածության և բռնության, որի համար բոլորը կվճարեն», - ասել է թագավորության արտաքին գործերի նախարարության խոսնակ Սինան ալ-Մաջալին:
Հորդանանի ԱԳՆ-ի տվյալներով՝ Իսրայելի իշխանությունները պատասխանատու են «Երուսաղեմում եւ բոլոր օկուպացված պաղեստինյան տարածքներում էսկալացիայի համար»։ Նրանք Իսրայելի անվտանգության ուժերի գործողություններն անվանել են ահաբեկչություն հավատացյալների նկատմամբ։
