Մեդվեդևը արձագանքել է Սանկտ Պետերբուրգի սրճարանում տեղի ունեցած պայթյունին

Ռուսաստանի Անվտանգության խորհրդի փոխնախագահ Դմիտրի Մեդվեդևը, մեկնաբանելով Սանկտ Պետերբուրգի սրճարանում տեղի ունեցած պայթյունի հետևանքով  ռազմական մեկնաբան Վլադլեն Տատարսկու մահը, ասել է, որ ռուսները պետք է հատուկ ծառայություններին զեկուցեն Ռուսաստանի Դաշնությունում ուկրաինական ֆինանսավորման դեպքերի մասին։ Մեդվեդեւի խոսքերը մեջբերել է նրա օգնական Օլեգ Օսիպովը RIA Novosti-ին տված հարցազրույցում։

«Եթե ձեզ ինչ-որ մեկն ասել է, որ Ուկրաինայից գումար կամ աշխատանք է ստանում, ապա մեծ է հավանականությունը, որ այդ մեկը բռնել է դավաճանության ճանապարհը։ Եվ նա արդեն քրեական հանցագործություն է կատարել»,- մեջբերում է Մեդվեդևի խոսքերը։

Մեդվեդեւը նաև ցավակցություն է հայտնել Տատարսկու մահվան կապակցությամբ և շուտափույթ ապաքինում մաղթել արտակարգ դեպքի հետևանքով տուժածներին։

Հիշեցնենք՝ Սանկտ Պետերբուրգում պայթյուն է որոտացել «Стрит-бар» սրճարանում։ Պայթյունի հետևանքով զոհվել է ռազմական մեկնաբան Վլադլեն Տատարսկին