Թբիլիսիում այրվում է «Ամբասադոր» հյուրանոցը։ Հրդեհը բռնկվել է հյուրանոցի թեւի վերին հարկերից մեկում։ Հրշեջ խմբերը մեկնել են Շավթելի փողոցում գտնվող հյուրանոցի շենք:Այս մասին հայտնում են լրատվամիջոցները։ Հրդեհը երեւում է քաղաքի տարբեր հատվածներից։

Այժմ հրշեջներին հաջողվել է մեկուսացնել կրակը։ Սակայն քամին խանգարում է մարման աշխատանքներին։ Մարդիկ տարհանվում են, տուժածներ դեռ չկան։

Հրդեհի հնարավոր պատճառը դեռևս հայտնի չէ։