Պուտինը հաստատել է Ռուսաստանի արտաքին քաղաքականության նոր հայեցակարգը

ՌԴ նախագահ Վլադիմիր Պուտինն այսօր Ռուսաստանի արտաքին քաղաքականության նորացված հայեցակարգի հաստատման մասին հրամանագիր է ստորագրել: Նա այդ մասին հայտարարել է ՌԴ Անվտանգության խորհրդի մշտական անդամների հետ խորհրդակցության ժամանակ։

Ռուսաստանի նախագահի խոսքով՝ արտաքին քաղաքականության վերաբերյալ նոր հայեցակարգը միջնաժամկետ և երկարաժամկետ հեռանկարում գործնական գործողությունների հիմք կհանդիսանա:

«Ստացվել է կշռադատված փաստաթուղթ, որը հիմք կհանդիսանա միջնաժամկետ և ավելի երկարաժամկետհեռանկարում մեր պրակտիկ գործողությունների համար», - ասել է նա:

Պուտինն ընդգծել է, որ արտաքին քաղաքականության նոր հայեցակարգը ամուր դոկտրինալ հիմք է ծառայում միջազգային գործերով հետագա աշխատանքի համար:

Նա միասնական արտաքին քաղաքականության իրականացման հետառնչություն ունեցող պաշտոնյաներին խնդրել է հատուկ ուշադրություն դարձնել կառուցողական տրամադրված գործընկերների հետ կապերի ընդլայնմանը և պայմաններ ստեղծել, որպեսզի ոչ բարեկամական պետությունները հրաժարվեն Ռուսաստանի նկատմամբ թշնամական քաղաքականությունից։