ԱՄՆ պատերազմի ուսումնասիրման ինստիտուտի վերլուծաբանները կարծում են, որ Չեչնիայի ղեկավար Ռամզան Կադիրովը վախենում է Պուտինից ու մտահոգվում իր իշխանության մասին։ Դրա մասին է վկայում վերջերս Գուդերմես քաղաքում տեղի ունեցած միջադեպը։ Այնտեղ երկու անհայտ անձինք կրակ են բացել տեղի ոստիկանական բաժանմունքի վրա։ Նրանք արագ սպանվել են, նույնքան արագ դեպքի վայր է ժամանել ինքը՝ Կադիրովը։

Այս քայլով, ըստ մասնագետների, նա փորձել է պահպանել իր իմիջը և ցույց տալ, որ դիմադրության ցանկացած դրսևորում կճնշվի։ Բացի այդ, Կադիրովի արագ արձագանքն այս դեպքին վկայում է այն մասին, որ նա անհանգստացած է Չեչնիայում հնարավոր դիմադրությունից։