«Սպառնալիք ողջ մարդկության համար». Մասկը և Վոզնյակը կոչ են արել դադարեցնել արհեստական բանականության ուսուցումը
SpaceX-ի և Tesla-ի գործադիր տնօրեն Իլոն Մասկը, Apple-ի համահիմնադիր Սթիվ Վոզնյակը, բարերար Էնդրյու Յանգը և ավելի քան հազար այլ արհեստական բանականության հետազոտողները կոչ են արել անհապաղ դադարեցնել AI-ի (արհեստական բանականություն) վրա հիմնված համակարգերի ուսուցումը «ավելի հզոր, քան OpenAI-ի GPT-4»-ը: Այս մասին ասվում է Future of Life ոչ առեւտրային կազմակերպության կայքում հրապարակված նամակում։
Նամակի հեղինակները, այդ թվում՝ Մասկը և Վոզնյակը, մատնանշել են մարդկության համար վտանգները՝ կապված «մարդկանց մրցակցային բանականությամբ» արհեստական ինտելեկտի համակարգերի հետագա զարգացման հետ։ Նրանք կոչ են արել վեց ամսով ամբողջությամբ դադարեցնել արհեստական բանականության ցանկացած համակարգի ուսուցումը:
«Արհեստական ինտելեկտի հզոր համակարգերը պետք է մշակվեն միայն այն դեպքում, երբ մենք վստահ լինենք, որ դրանց ազդեցությունները դրական կլինեն, իսկ ռիսկերը՝ կառավարելի», - ասվում է տեքստում:
