ՏԵՍԱՆՅՈՒԹ․ Բաթումիում հզոր փոթորիկ է սկսվել
Վրաստանի զբոսաշրջային քաղաքում՝ Բաթումիում հզոր փոթորիկ է սկսվել։ Այս մասին գրում են թելեգրամյան մի շարք ալիքներ՝ հրապարակելով նաև տեղից կադրեր։
Համացանցում տարածված տեսանյութերում երևում է, թե ինչպես է քամին շենքերից պոկում տանիքները։ Հուժկու փոթորկի հետևանքով վնասվել են ավտոմեքենաներ, արմատախիլ են եղել ծառեր, երթևեկությունը կաթվածահար է եղել։
Նշենք, որ ըստ Վրաստանի Շրջակա միջավայրի ազգային գործակալության՝ երկրում մարտի 29-ից ապրիլի 2-ը սպասվում է եղանակի կտրուկ վատացում։
Մարտի 29-ի գիշերը Սև ծովի ափին իսկ օրվա երկրորդ կեսից Հանրապետության մեծ մասում սպասվում է ուժեղ արևմտյան քամի։
