«Մենք պետք է օգնենք Հայաստանին և ճնշում գործադրենք Ադրբեջանի վրա»․ Ռասմուսեն

ՆԱՏՕ-ի նախկին գլխավոր քարտուղար,«Rasmussen Global» խորհրդատվական ընկերության հիմնադիր և նախագահ Անդերս Ֆոգ Ռասմուսենը Հայաստան կատարած այցից հետո CBC-ի գլխավոր քաղաքական թղթակից Ռոզմարի Բարթոնի հետ հարցազրույցում նշել է, որ ԵՄ-ն և Արևմուտքը պետք է շատ ավելի մեծ ուշադրություն դարձնեն Հայ-ադրբեջանական հակամարտությանը, քանի որ ավտոկրատ Ադրբեջանը բավականին երկար ժամանակ պատերազմում է ժողովրդավարական Հայաստանի հետ։

«Մենք պետք է օգնենք Հայաստանին և կանխենք հումանիտար աղետը Լեռնային Ղարաբաղի հայկական անկլավում, քանի որ Ադրբեջանը փակել է Լեռնային Ղարաբաղը Հայաստանի հետ կապող միակ ճանապարհը։ Եվ մենք պետք է ճնշում գործադրենք Ադրբեջանի վրա, որպեսզի ապաշրջափակենք Լաչինի միջանցքը»,- ամփոփել է Ռասմուսենը։