Ալիևը հատուկ ներկայացուցիչ է նշանակել Բերձորի (Լաչին) շրջանում
Ադրբեջանի նախագահ Իլհամ Ալիևը հրամանագիր է ստորագրել Մասիմ Մամեդովին Բերձորի (Լաչին) շրջանում Ադրբեջանի նախագահի հատուկ ներկայացուցիչ նշանակելու մասին: Տեղեկությունը տարածել է Ալիևի վարչակազմի մամուլի ծառայությունը։
Հիշեցնենք, որ անցյալ տարվա դեկտեմբերի 12-ից Ադրբեջանի իշխանությունների կողմից հովանավորվող ակտիվիստներն ապօրինաբար շրջափակել են Լաչինի միջանցքը։
Միջազգային բազմաթիվ գործիչների, երկրների և տարբեր կառույցների դատապարտող կոչերն անտեսելուց զատ, Բաքուն շարունակում է հումանիտար աղետի ենթարկել Արցախի 120․000 բնակիչներին։
