Հայտնի է, թե Երևանը, որ տեղն է զբաղեցնում աշխարհի ամենաանվտանգ քաղաքների ցանկում

Երևանն աշխարհի ամենաանվտանգ քաղաքների ցանկում զբաղեցրել է 19-րդ հորիզոնականը։ Այս մասին է վկայում numbeo.com պորտալի վերլուծությունը։ Ադրբեջանի մայրաքաղաք Բաքուն հայտնվել է 84-րդ տեղում, իսկ Վրաստանի մայրաքաղաք Թբիլիսին՝ 43-րդ հորիզոնականում է։ 

Աշխարհի ամենաանվտանգ քաղաք է ճանաչվել Աբու Դաբին (ԱՄԷ), 2-րդը Դոհան է (Կատար), իսկ լավագույն եռյակը եզրափակում է Այմանը (ԱՄԷ)։ Լավագույն տասնյակում են նաև Թայբեյը, Թայվան (Չինաստան), Շարժան (ԱՄԷ), Դուբայը (ԱՄԷ), Քվեբեկ Սիթին (Կանադա), Բեռնը (Շվեյցարիա), Սան Սեբաստիանը (Իսպանիա) և Մյունխենը (Գերմանիա)։ Ավելի վաղ հայտնել էինք, որ Հայաստանն աշխարհի ամենաանվտանգ երկրների վարկանիշային ցանկում իր տեղն էր գտել առաջին տասնյակում` զբաղեցնելով 7-րդ հորիզոնականը 142 երկրների շարքում՝ Համաձայն Numbeo առցանց պորտալի վերլուծության։