Անհայտ կորածների հարազատները Գլխավոր Դատախազության դիմաց բողոքի ակցիա են իրականացրել

Արցախյան վերջին պատերազմից անցել է 2,5 տարի, պատերազմի ընթացքում անհայտ կորած զինծառայողների հարազատները շարունակում են ապրել անորոշության մեջ: Այս մասին գրում է Hetq.am-ը: 

Պետական մարմիններից պատասխաններ չստանալով՝ ծնողները, հարազատները ստիպված իրենք են սկսել զբաղվել իրենց որդիների, հարազատների անհետացման հանգամանքների ուսումնասիրությամբ:

Այսօր՝ մարտի 27-ին, անհայտ կորած զինծառայողներ հարազատները Գլխավոր Դատախազության դիմաց բողոքի ակցիա են իրականացրել: Իրենց պահանջները գրավոր ներկայացրել են գլխավոր դատախազին։ Այն բաղկացած է հիմնական երեք կետից.

• պարզել պատասխանատու անձանց անգործության պատճառները,
•  
• միջոցներ ձեռնարկել իրենց աշխատանքներում թերացած պաշտոնատար անձանց պատասխանատվության ենթարկելու ուղղությամբ,
•  
• անհապաղ գործողություններ իրականացնել անհետանալու հանգամանքները և հավանական գտնվելու վայրը պարզելու համար, և եթե արդեն իսկ իրականացվել է,
•  
• կատարված աշխատանքների վերաբերյալ մանրամասն տեղեկատվություն տրամադրել։