ԼՈՒՍԱՆԿԱՐՆԵՐ․ Ընդդիմադիրները ընտրախատումների մասին

ԱԺ ՔՊ-ական պատգամավոր Կարեն Համբարձումյանը բանից պարզվում է էնքան պարապ է, որ կարողանում է ժամերով կանգնել 34/06 ընտրատեղամասի մոտ: Այս մասին ահազանգում է «Քաղաքացու որոշում» կուսակցության Գործադիր մարմնի անդամ Միքայել Նահապետյանը:

«Ընտրողների կամքի վրա ազդեցություն գործելու էս մեխանիզմը մինչև 2018թ.-ը կիրառվում էր թաղի բառադիների մակարդակով, հիմա «իրավիճակ է փոխվել»»,- գրել է նա:

Ավելի վաղ  Սիսիանում բազմաթիվ ընտրախատումների մասին էր  ահազանգել ՀՀԿ երիտասարդական կազմակերպության նախագահ Հենրիխ Դանիելյանը:

«Նիկոլի անցկացրած արդար ու թափանցիկ ընտրությունների պատկերը սա է։ Հանձնաժողովների անդամները ունեն հստակ հրաման, ընտրողների ցուցակները ստուգելու և նրանց ուղղորդելու համար։ Այս եղանակով ստուգում են, թե ով է եկել ընտրատեղամաս և ով չէ։ Այս պատկերը բոլոր ընտրատեղամասերում է»,- գրել է նա։

ՔՈ նախընտրական շտաբը օպերատիվ ռեժիմով տեղեկատվություն է ստանում «Քաղաքացիական պայմանագիր» կուսակցության անունից ընտրողներին բաժանվող ընտրակաշառքի մասին։ Այս մասին հայտնում են շտաբից:

«Ընտրատեղամասերի հարակից տարածքներում անհասկանալի գործառույթով տևական ժամանակ գտնվող և ՔՊ կուսակցությունը ներկայացնող, համայնքային, պետական հիմնարկների աշխատող անձանց մոտ առկա են ինչ-որ ցուցակներ, որոնք, հնարավոր է, ընտրակաշառք ստացած քաղաքացիների տվյալներ են պարունակում։

Մեր վստահված անձանց դիմում-բողոքները նշված անձանց ինքնությունը պարզելու, ընտրողներին ուղղորդելուն միտված գործողությունները կասեցնելու պահանջի մասին ընտրատարածքային հանձնաժողովները, ըստ էության, դադարել են քննել»։

ՔՈ ՍԴԿ նախընտրական շտաբը հայտարարում է, որ նշված դեպքերով տեղեկատվությունը ճշտելու, առերևույթ հանցագործության հատկանիշներով արարք կատարող անձանց նույնականացման ուղղությամբ դադարեցնում է որևէ գործողության իրականացումը։

Հիշեցնենք, որ Սյունիքի մարզի Սիսիան համայնքում առաջադրված են Հայաստանի Հանրապետական, «Քաղաքացիական պայմանագիր» և «Քաղաքացու որոշում» սոցիալ-դեմոկրատական կուսակցությունները:

[1667ec10768f32c4899201832c28a982.jpg]

[dd030130bec2ac8cb957fe1eabc92c67.jpg]

[18ee39c2c452af351768b85c2c263051.jpg]

[2a01b35244d5c62596e9c72441697046.jpg]