Երկրորդ սառը պատերազմն ավելի վտանգավոր կլինի, քան առաջինը. ԱՄՆ նախկին պետքարտուղար
Երկրորդ սառը պատերազմն ավելի վտանգավոր կլինի, քան առաջինը, հայտարարել է ԱՄՆ նախկին պետքարտուղար Հենրի Քիսինջերը:
«Այո», – ասել է Քիսինջերը իսպանական Mundo թերթին տված հարցազրույցում, երբ նրան հարցրել են, թե արդյոք երկրորդ սառը պատերազմն ավելի վտանգավոր կլինի, քան առաջինը:
Նախկին պետքարտուղարը նշել է, որ նոր սառը պատերազմ կարող է սկսվել Չինաստանի և ԱՄՆ-ի միջև: Քիսինջերը կարծում է, որ երկու երկրներն էլ ունեն համադրելի տնտեսական ռեսուրսներ, իսկ առաջին սառը պատերազմի ժամանակ նման բան չի եղել: Նրա կարծիքով ՝ Պեկինն ու Վաշինգտոնն այժմ հակառակորդներ են և չարժե «սպասել, մինչև ՉԺՀ-ն արևմտականացվի»:
Ավելի վաղ Չինաստանի արտաքին գործերի նախարար Վան Ին Քիսինջերի հետ հանդիպմանը հայտարարել էր, որ Չինաստանի և ԱՄՆ-ի միջև «նոր սառը պատերազմի» սկիզբը աղետ կլինի ողջ աշխարհի համար։ Նա ընդգծել է, որ «Վաշինգտոնը պետք է վերադառնա Չինաստանի նկատմամբ ռացիոնալ և պրագմատիկ քաղաքականությանը, վերադառնա Չինաստան-ԱՄՆ երեք համատեղ կոմյունիկեն հարգելու ճիշտ ուղուն և պահպանի Չինաստան-ԱՄՆ հարաբերությունների քաղաքական հիմքերը»։
