ՏԵՍԱՆՅՈՒԹ. Ինչու՞ է մարդասպան Մհեր Ենոքյանն ազատ կալանքի կրելու անցել

Լրագրողները Արդարադատության նախարար Գրիգորի Մինասյանին հաց ուղղեցին` ինչու՞ է մարդասպան Մհեր Ենոքյանն ազատ կալանքի կրելու անցել: 

«Նախ որոշում չի կայացվել, ընթացքում է, իսկ ռեժիմի անցումը մեղմ կամ ավելի խիստի`  տուժողի ներկայացուցիչների կարծիքը որոշիչ չի: Եվ եթե դատապարտյալը  իքս ժամանակահատվածում նորմալ է իրեն դրսևորում, բնականաբար դեպի դրական ռեժիմ է ուղորդվում», նշեց Մինասանը: 

Հիշեցնենք, որ 20 տարեկանում՝ 1996 թ-ին, Մհեր Ենոքյանը դատապարտվել է մահապատժի՝ համակուրսեցի Իոսիֆ Աղաջանովի սպանության համար (ՀՀ Քր.Օր-ի 99-րդ հոդվածի 1-ին և 6-րդ կետեր):

Սպանության համար մեղադրանք էր առաջադրվել Մհեր Ենոքյանին և նրա եղբոր դասընկերոջը՝ Արամ Հարությունյանին։

1996թ. հուլիսի 12-ին Երևանի բնակիչ Ենոքյանը, համաձայնության գալով Հարությունյանի հետ, իր համակուրսեցի Իոսիֆ Աղաջանովին սպանելու և դիակի տեղը հայտնելու համար վերջինիս ծնողներից 20,000 դոլար պահանջելու նպատակով Աղաջանովին տարել են Հարությունյանի բնակարան, որտեղ առանձին դաժանությամբ սպանել են նրան:

Ենոքյանը մետաղյա գործիքով (разводной ключ) հարվածել է Աղաջանովի գլխին, ապա՝ դանակով հարվածել կրծքավանդակին ու աչքին։ Այդ ընթացքում Հարությունյանը բռնել է Աղաջանովի ոտքերը, իսկ երբ նա ուշաթափվել է, Ենոքյանի հրահանգով կտրել է Իոսիֆի պարանոցը։ Աղաջանովին սպանելուց հետո նրանք դիակը դրել են բրեզենտե պայուսակի մեջ, դուրս տարել և թաքցրել բետոնե հենապատի հետևում ու ծածկել քարերով:

Ենոքյանն իրեն այդպես էլ մեղավոր չի ճանաչել։

Արամ Հարությունյանն ի սկզբանե ընդունել է մեղքը՝ դատապարտվելով 15 տարվա ազատազրկման:

Մհեր Ենոքյանը 1996-ին դատապարտվել էր մահապատժի, բայց ՀՀ նախագահի 2003 թ-ի ներման հրամանագրով նրա պատիժը փոխարինվել է ցմահ ազատազրկմամբ։