Մեր հույսը չենք կորցնում, որ այդ ՀԱՊԿ-ն Հայաստանի հետ կապված որոշակի գործողություններ կարող է ձեռնարկել. Ջուլհակյան
Խոսակցությունները, թե Հայաստանը դուրս կգա ՀԱՊԿ-ից, սին են ամբողջությամբ, որովհետև ՀԱՊԿ-ը դեռ պետք է գա Հայաստան, որ հասկանանք։ Այս մասին լրագրողներին հայտնեց ՔՊ պատգամավոր Արուսյակ Ջուլհակյանը։
Նա նշեց, որ Հայաստանի Հանրապետության սուվերեն տարածք 2021 թվականի մայիսից 3 խոշոր ներխուժում է եղել Ադրբեջանի կողմից, սակայն ՀԱՊԿ–ը այդ հարցով Հայաստան չի եկել։ Միևնույն ժամանակ նա ընդգծեց, որ կառույցի հետ կապված դեռ հույսեր ունեն։
«Երբ մենք ասում ենք, թե ՀԱՊԿ-ը դուրս է գալիս Հայաստանից, մենք պետք է արձանագրենք, որ նույնիսկ Հայաստան չի հասել ՀԱՊԿ-ը, բացակայում է Հայաստանից։ Մեր հույսը չենք կորցնում, որ այդ անվտանգային համակարգը Հայաստանի հետ կապված որոշակի գործողություններ կարող է ձեռնարկել, և դրան են ուղղված հետագա համագործակցության աշխատանքները», - նշեց ՔՊ-ական պատգամավորը։
