ՏԵՍԱՆՅՈՒԹ․ Պատգամավորները իրար հարվածում են ձեռքերով և խոսափողներով․ լարված իրավիճակ Վրաստանի խորհրդարանում

Վրաստանի խորհրդարանում ոչ միայն հայտարարություններ են նետում, այլեւ խոսափողներ։ Այս մասին տեղեկացնում է Sputnik Грузия-ն։

Նոր «Պաշտպանության օրենսգրքի» քննարկման ժամանակ իրավիճակը սրվել է խորհրդարանական մեծամասնության պատգամավոր Սոզար Սուբարիի և ընդդիմադիր Տարիել Նակաիձեի միջև։

Արդյունքում դիմակայությանը միացել են այլ պատգամավորներ, իսկ «Ժողովրդի իշխանություն» հասարակական շարժման անդամ Վիկտոր Ջափարիձեն բարձրախոսով հարվածել է Նակաիձեի մեջքին։

Այնուհետեւ լարվածությունը շարունակվել է, իսկ ավելի ուշ իշխող «Վրացական երազանքի» պատգամավոր Լեւան Մգալոբլիշվիլին խոսափող է նետել ընդդիմադիրի վրա։